ADING - архива на настани

НАЈНОВА ОБЈАВА

MakFax 20.10.2009 - Македонска компанија ќе отвори фабрика во Иран

Македонската градежна компанија Адинг ја информира јавноста дека деновиве отвори своја фирма во Иран, со седиште во Техеран, по што ќе следи изградба на фабрика.
Во тек е изработка на главен проект за нова фабрика која ќе се гради во индустриската зона на Техеран на локација од која производната хала е со површина од 1200 m² и административен дел со лабораторија 2x330m², се вели во соопштението.
Вредноста на производниот комплекс е околу 1.500.000 евра, бројот на вработени ќе изнесува: 15, во производство и 10 во централната канцеларија во Техеран.
Капацитетот на производниот погон е 80.000t годишно од кои околу 90 отсто се наменети за производство на адитиви за бетон, а 10 отсто за производство на прашкасти и пастозни производи.
Предвидено е фабриката да се пушти во работа до крај на 2010 година, а во првата година се очекува пласман од 7.000 до 10.000t
Македонската компанија во оваа година отвори производен погон во бугарскиот град Перник.
Основната дејност на Адинг е производство, пласман и примена на адитиви и други хемиски производи за потребите во градежништвото.

ОСТАНАТИ ОБЈАВИ